بیانات رهبر انقلاب در اجتماع مردم گیلان‌غرب با ترجمه ی کردی کلهری
جوانه‌يل عه‌زيزێ كه له ناوچه‌ێ گيه‌لان و ده‌ور وه‌رێ ژيه‌ن، باێه‌س وه شانازيه‌و وه خوه‌ێان بنوورن كه باوگه‌يل و دالگه‌يل و له‌ێره‌وه‌ريه‌يليان له ئه‌و ساله‌يل شه‌ر و جه‌نگه، لهو ساله‌يل فره سه‌خت و چه‌تيونه ، ئچيونه گه‌وراييێگ له خوه‌ێان نيشان دانه . لهو رووژه‌يله فره هاتمه گيه‌لان ،هه‌م له ناو شاره‌گه ، هه‌م له شه‌ر تاشه‌گان و پاله‌گان نزيك وه شار ، - ناوچه‌ێ كيوه‌يل خوه‌ره‌تاو و ناوچه‌يلێ كه نيروه‌گان خوه‌مان له به‌زيه‌رێ نيروه‌يلێ كه ئراێ ده‌فا هاتيون ، گشتيان له‌ێ ناوچه‌ديم . ولام وه‌و هه‌مگه به‌زيه‌ريه‌و دل قايمي و نه‌ترسي له لێان ديار بيو. شارێ كه ته‌نيا وه تياره و بمبه‌گاني هه‌ره‌شه نه‌يو . له زه‌يويشا له لێ هه‌ره‌شه كردن . ولام تيوه‌نس بووسيه‌يد و شاره‌گه خالي نه‌و‌د. يه هيور فره گه‌وراێگه له ئه‌و رووژه‌يل سه‌خته و واقعه‌ن جي شانازي ديرێ .
***
هه‌ر كه ئمرو خاس هيورده‌و بوود له سياسه‌ته‌يل چوار په‌ر ولاتي و سه‌ر خه‌له‌تاننێان خاس بنووريد ، وه بنوورێد كه زلميه‌ره‌يل له ئمريكا ،له ئوروپا، له نيشتمانه‌گانێ كه وه‌رده‌سييانن، ئراي شكانن ملله‌ت ئيران خوه‌يان كوشن، زووره پيان ديري ، ئرا يه كه شاهات بتيوه‌نن رخ ئي ملله‌ته بوه‌ن و ته‌كێ بيه‌نه‌و ديوا ولام فامن كه وسان ئێ مه‌ردمه له بن ئراي ئامانجه‌يل و خاسيه‌يل ئێ ئنقلابه چه‌نێ خاس و موهمه.
چه‌ن شه‌وه‌كيان يه‌ێ ده‌ف سياسه‌ت مة‌زرنه‌يليان،نخشه‌كيشه‌يليان – وه‌قه‌ول خوه‌يان- نيشنه بن« وتاقه‌يل فكر » و ئراي نزام جمهووري ئسلامي و ملله‌ت ئيران مه‌كر كه‌نه‌و كار . ولام خوداي گه‌ورا ئي نخشه‌يل نه‌زووكه له به‌ين ده‌ي . له‌ي چه‌ن رووژ له‌يره‌وه‌ريشه له ناو گشتي رووژنامه‌گان و ره‌سانه‌يل ته‌سويري و ده‌نگ دار و نيوسه‌ري و ئه‌و ديواێ – كه وه‌رده‌سي شه‌به‌كه‌ێ چوار په‌ر ولاتي « صه‌هيونيستي » بيون-قه‌پ قال فره‌يگ خسنه‌و رێ ،بخت بي ماناێ پيوچێگ له ئمريكا دانه چه‌نه‌فه‌ر ئێراني و كردنهێ ده‌سپێچگێگ ئراێ يه كه بيوشن جمهووري ئسلامي هاو سه‌ر ترووريسته‌يل.ولام ئي بخته نه‌پووريا!. نيه‌پوريه‌ێد .ئێ مه‌كره‌يله هه‌ر جار و له سه‌ر شوون يه‌ك كه‌نه‌و كار ولام بێ وه‌ليفه‌ته و نه‌وه‌كار.
***
ئرا يه كه جمهووري ئسلامي بكه‌نه سيوكيگه‌و ،« له ئيران ترسين» خه‌نه‌و رێ ، له شوون يه‌ك قسيه خه‌نه‌و پشت سه‌رێ .نه ! ئێران هه‌واخواێ ملله‌ته‌يله ، هه‌واخواێ مه‌زلوومه‌يله . جمهووري ئسلامي ئه‌ؤل زولما دژمنه .ئه‌ول زالما جه‌نگيه‌ێد . له وه‌راي وه‌ر زوور وه‌تن و فره تواسن زلميه‌ره‌يل وه دل و گيان وسێد و ته‌كه‌و ديوا نيه‌ێد .ئراي يه‌سه كه ملله‌ته يل له هه‌ر جيێگ كه جمهووري ئسلامي ناسن ، دووسێ ديرن ، هه‌وا خواێن ، شوعاره‌يل جمهووري ئسلامي ئراێان دلنشينه .چه‌‌واشه‌ێ ئيوه گه‌ورايل و حاكمه‌يل رژيم ئمريكا كه له ناو عراق گشتێ به‌دێان ليدان تێ ، له ئه‌فغانسان گشتێ به‌دێان ليدان تێ. له مسر گشتێ به‌ديان ليدان تێ. له تونس ديواێ ئنقلاب گشتێ به‌دێان ليدان تێ. له ليبي كه ئه‌منيه رشانيه ناويان و كاره‌يل نزامي كه‌ين ، گشتي به‌دێان ليدان تي. له ئورووپايش گشتي به‌دێان ليدان تێ.
ئمروو گشتێ ديونيمن كه رووژ و رووژ ئێ « هه‌لسان ئسلاميه »له تمام ناوچه‌يل و نيشتمانه‌يل خاوه‌ر ميانه فيشتره‌كه‌و بوود . دژمن له‌پساێ چووده كوله سيوكێگه‌و . له پساێ وايد و وه‌رو نوا چێن ئسلامي به‌ر خلاف كارێگ كه دژمن ئراێ كوشتن و له بهێن بردنێ كه ێد ،له‌پساێ وه‌ره‌و نوا چوود.هيوچ شكێگ نيه‌كه‌م كه بانان هێن ئسلامه ، بانان گشت هێن نيشمان ئسلامه و ئيوه جوانه‌يل ئێشالا وه ته‌وفيق خودا ئه‌و رووژه كه په‌رچه‌م ئسلام له كول جي به‌رز و بلێن بوود و يه‌ێ جه‌رخه‌ێ هاورێ ئسلامي توانا و عزه‌ت دار كووه‌و بوون ، ديونين.
هفتهنامه صدای آزادی